Comincemo ogi a publicar el Diario de guera del K.u.k. Infanterie Regiment Nr. 97, el regimento de casa dei triestini, (anche se i dati che gavemo in evidenza, ne dixi che tanti de Trieste e Litoral iera in servizio in altre formazioni).
Grazie a una coleta tra asociazioni e vari volontari se lo gavemo comprà (come copia fotografica) al Archivio de Stato, sezion Kriegsarchiv, a Viena.
El Diario xe stado publicado sul recente libro de Roberto Todero Trieste gli Asburgo e il 97° reggimento i. e r., Gaspari, Udine, 2023. In ristampa per settembre/ottobre 2024.
5 agosto 1914
Per Trieste vien comandado un più alto grado de preparazion ala partenza, visto che l’Inghiltera ghe ga dichiarado guera ala Germania. Contemporaneamente el Bataglion de Riserva del Regimento, causa cativo comportamento durante le esercitazioni, vien trasferido sul Altipian.
Commenti
Posta un commento